Chakrabyuhama Chandra Surya – Saroj Raj Adhikari

यो पुस्तक मुलुकको यस्तै विषम परिस्थितिबारे राष्ट्रिय स्तरमै चेतना प्रवाह गर्न अति आवश्यक बौद्धिक बहसको माध्यम हुनेछ भन्नेमा म विश्वस्त छु । लेखकले यस प्रकाशनद्वारा पत्रकारिताको पेशागत धर्म निःसङ्कोच निभाएका छन् । पाठक वर्गलाई नेपाल-भारत सम्बन्धको गैरकूटनीतिक आख्यान मात्र होइन, त्यस प्रक्रियाले नेपालको सार्वभौम अस्तित्व र भौगोलिक अखण्डतामा परेको विघ्नबारे निर्भीकतासाथ जानकारी पनि गराएका छन् । नेपालको यस अवस्थितिले गर्दा सत्ता र शासक फेरिए पनि राजनीतिक प्रवृत्ति नफेरिँदा सतही परिवर्तनहरू मुलुकका निम्ति असान्दर्भिक ठहरिएका छन् ।