Saheb – Suman Smarika

छुट्टीमा लाहुरे घर आउला, यस्तो गरौंला, उस्तो गरौंला भन्ने सपना साँचेर बस्छन् लाहुरेनीहरू । तर, जब आफ्नो लाहुरेको छातीमा गोली लाग्यो भन्ने खबर पाउँछन् तब तिनको छाती चर्किएर धाँजा फाट्छ । त्यो बज्र म महसुस गर्न सक्छु । त्यसैले लाग्छ लाहुरेनी बन्न सजिलो कहाँ छ र ! अनि सबै लाहुरेनीका घर काठमाडौंमा कहाँ छ र ! सबै लाहुरेका छोराछोरीले महँगा बोर्डिङ स्कूलमा कहाँ पढ्न पाएका छन् र !
हङकङलाई कर्मथलो बनाएकी लेखक जुनू राना जैमिनी-९ बागलुङमा जन्मिएकी हुन् । उनको २०८१ सालमा ‘रातो नदी’ कविता संग्रह प्रकाशित भइसकेको छ । लाहुरेनी सौन्दर्य उनको दोस्रो कृति हो । यस पुस्तकमा उनले समसामयिक विषयसँगै मूलतः हङकङको सेरोफेरोमा नेपाली परिवेशका विभिन्न आयामलाई कथा, निबन्ध, संस्मरण र विचार मार्फत प्रस्तुत गरेकी छिन् ।