आदिकवि भानुभक्त आचार्यका बारेमा मोतीराम भट्ट स्वयम्ले लेखेको कृति हो यो । साथमा सूर्यविक्रम ज्ञवालीद्वारा लिखित ‘भानुभक्तको संक्षिप्त जीवनचरित्र’ र आदिकविका फुटकर रचनाहरू पनि समावेश छन्।
मोतीराम भट्टको कृति वि. सं. १९४८ मा पहिलोपल्ट छापिएको थियो । यस कृतिमा लेखकले आदिकविका आनीबानीका बारेमा केस्राकेस्रा केलाएका छन् । भानुभक्तका भतिजासँगको वार्तालापबाट तयार गरिएको यस कृतिलाई आदिकविलाई चिनाउने आधिकारिक कृति मानिन्छ ।
भट्टकृत पुस्तकभित्र आदिकविका सिर्जनाका महत्त्वपूर्ण अंश र तिनमा निहीत विचारहरूका बारेमा समेत बताइएको छ । वि.सं. २०११ सालतिर छापिएको सूर्यविक्रम ज्ञवालीलिखित कृतिले आदिकविको चिनारी प्रष्ट पारेको छ ।
आदिकविका आनीबानी, उनको जीवनमा आएका उतारचढाव, रचनाधर्म र तिनमा निहीत विचारको गहनताका बारेमा जान्न चाहनेका लागि यो कृतिको विकल्प छैन ।
Kavi Bhanubhaktako Jeewancharitra – Motiram Bhatta, Suryabikram Gyawali
Reviews
There are no reviews yet