Kathmandu Ahile ra Uhile – Tirtha Narayan Manandhar |
| बुद्धधर्मको उत्थान र समाजसेवामा समर्पित श्री तीर्थनारायण मानन्धरज्यूको कृति ‘ जिगु लुमन्तिइ यें दे म्हिगः व थौं आद्योपान्त पढ्दा यसमा नेपालमा थेरवादी बुद्धधर्मको इतिहास पूर्णरूपले प्रस्तुत गरिएको पाएँ । यो यस पुस्तकको एउटा राम्रो पक्ष हो । राणाशासनमा बुद्धधर्मको जति प्रचार हुनुपर्ने हो त्यति नभई अलि अलि मात्रै भएकोमा पनि बौद्ध भिक्षुहरूलाई देश निकाला गरिए पछि यहाँ थेरवाद नै थिएन कि जस्तो पनि बनाइदियो । पछि भिक्षु नारद यहाँ आउनुभई भिक्षु अमृतानन्द समेत बसेर ऐतिहासिक सम्मेलन गरेको विवरण यस पुस्तकमा उल्लेख भएको छ जुन निकै प्रशंसनीय छ । यसबाट नेपालमा बुद्धधर्म पुनर्जागरण भएको इतिहास पढ्न पाइन्छ ।
तीर्थनारायण मानन्धरज्यूको देन आनन्दकुटी विद्यापीठ स्थापनामा पनि धेरै रहेको छ । उहाँ लगायत पूर्णमान , भक्तिलाल र द्वारिका चार जनालाई भिक्षु अमृतानन्दका चार पाङ्ग्रा भनिन्थ्यो । उहाँहरू सँगै काममा सहयोग गर्नुहुने लोकरत्न तुलाधरज्यूलाई पनि बिर्सन सकिन्न । हाल तीर्थनारायणज्यू स्वयम्भु संरक्षण तथा व्यवस्थापन महासमितिका अध्यक्ष , आनन्दकुटी दायकसभाका पनि अध्यक्षका साथै आनन्दकुटी बिहार गुठीमा पनि संलग्न भएर सक्रिय जीवन बिताइरहनुभएको छ । बौद्ध धर्म , संस्कृति र समाजसेवामा उहाँको योगदान अतुलनीय छ । उहाँको संस्मरण जीवन वृत्तान्त समेटिएको यस पुस्तक नेपालको बुद्धधर्मको इतिहासमा रुची राख्ने सबैका लागि छुटाउनै नहुने कृति हो जस्तो मलाई लाग्छ । भिक्षु कुमार काश्यप |
Reviews
There are no reviews yet