Jeewanka Bakra Rekhaharu – Balika Chaudhari

खुलदुलीमुलक जीवनयात्रा

जीवनमा मैले सयौलाई मार्गनिर्देशन गरेको छु, हजारौलाई मानव अधिकार, सामाजिक न्याय, नेतृत्व विकास, संस्कृति, साहित्य कलाका विषयमा सहजकीरण गरेको छु, अथवा भनौं मलाई फलो गर्ने धेरै युवाहरू सफल छन् । त्यसमध्ये लेखिका बालिका अव्वल श्रेणीकी मध्येकी एक हुन् जस्तो लाग्छ । मेरी चेली हुनुमा मलाई गर्व छ ।
जीवनका बक्ररेखाहरू बालिकाले हिँडेका बक्ररेखा मात्र होइनन्, समग्र नेपाली छोरीहरूले छिचोलिरहेका नियति हुन् । बस् उनले लेख्ने जमर्को र साहस गरिन् । उनका समग्र जीवनचक्र पढ्दा चलचित्र जस्तो लाग्छ । किशोरावस्थामा आवेगमा आएर आत्मग्लानी महसुस गरेर कुनै बेला आत्महत्या गर्ने सोंच बनाएकी लेखिका आज हजारौं युवाहरूको आशाको किरण अर्थात् रोलमोडल बनेकी छिन् । यस कुराले स्पष्ट हुन्छ कि एक व्यक्तिलाई असल व्यक्तित्व बनाउन सही मार्गनिर्देशन र असल संगत जरूरत पर्दछ । पुस्तक सबैले पढ्नै पर्ने पठनीय छ
सुशील चौधरी कवि/गीतकार