Chirharan – Neelam Karki Niharika

महाभारतको विषयमाथि थुप्रै व्याख्या पुनर्व्याख्या हुँदै आएका छन् । चीरहरण त्यही महाभारत-कथामा केन्द्रित फरक कोणबाट लेखिएको उपन्यास हो । सत्यवतीदेखि द्रौपदीसम्म पुग्दा नारीले भोग्नुपरेका सामाजिक विवशता र हिंसामात्र होइन, धृतराष्ट्रको सिंहासनमोह, शकुनि षड्यन्त्र अनि महायुद्ध जस्ता घटना वर्तमान समयमा पनि परिघटित छन् । कुन्तीको पुत्रत्याग होस् या द्रौपदीको चीरहरण, अहिलेको समाज पनि यस्ता विडम्बनाबाट मुक्त हुन सकेको छैन ।
लेखनमा नारी चेतना र अस्तित्वलाई केन्द्रमा राख्ने नीलम कार्की निहारिकाको यो उपन्यास द्वापरयुगको यस्तो ऐना हो, जसमा हामीले भोगिरहेको समाज प्रतिबिम्बित छ ।