Thigumhangma (Chhintang Jalapadevi)ko Parichaya – Bhakta Rai;Lokendrakumar Tele Rai

लेखक तथा अनुसन्धाता डा . राईले हालसम्म भाषा , साहित्य , संस्कृति , दर्शन तथा विश्वविद्यालयका पाठ्यक्रमका गरी लगभग दुई दर्जन जति पुस्तक प्रकाशन गरिसकेका छन् । यसरी नै भाषा , साहित्य , संस्कृति र दर्शन विषयका विभिन्न राष्ट्रिय तथा अन्तर्राष्ट्रिय गोष्ठी , सेमिनार तथा सम्मेलनहरूमा दुई दर्जनभन्दा बढी प्राज्ञिक कार्यपत्र प्रस्तुत गरिसकेका छन् । विभिन्न पत्रपत्रिका , पुस्तकहरूको सम्पादनसमेत गरिसकेका छन् । डा . राईले राष्ट्रिय तथा अन्तर्राष्ट्रिय पत्र – पत्रिकाहरूमा पाँच दर्जनभन्दा बढी प्राज्ञिक लेख प्रकाशन गरिसकेका छन् । गीत – सङ्गीत , रङ्गमञ्च , खेलकुद तथा पत्रकारिताको क्षेत्रमा समेत दखल राख्ने विद्वान् राईले व्यक्तिगत तथा संस्थागत रूपमा विभिन्न विषयका एक दर्जनभन्दा बढी प्राज्ञिक अनुसन्धान गरिसकेका छन् ।