Jartkaru – Kiran Acharya

किरण आचार्य लामो समय साहित्यका कविता र कथा विधामा सक्रिय किरण आचार्य (२०१५) जरत्कारु उपन्यास लिएर आएकी छन् । पौराणिक विषयवस्तुमा आधारित यस उपन्यासले नेपाली नारीहरूले वर्तमान भोगिरहेको यथार्थ र – गर्दैआएका सङ्घर्षलाई प्रतीकात्मक रूपमा प्रस्तुत गरेको छ। जरत्कारु नारीप्रति युगौंदेखि हुँदै आइरहेको दुर्व्यवहार र विभेदको सशक्त चित्रण हो भन्दा अत्युक्ति हुँदैन । यसले बहुविवाहका घातक परिणामहरूबारे मात्र चित्रण गर्दैन, नारी अस्तित्व र अधिकारको पक्षमा पनि जोडदार वकालत गर्छ। अनि नारीमाथि हुँदै आइरहेको शोषणविरुद्ध इन्क्लाब गर्दै सङ्घर्षका
लागि अभिप्रेरित पनि गर्छ। उपन्यासका पात्रहरूले ‘स्त्रीका अधिकार र अस्तित्व किन कम, किन शोषण ?’ भनेर ठाउँठाउँमा प्रश्न उठाएका छन् । उपन्यासको भाषा अत्यन्त सरल र सरस छ। पुस्तकका ठाउँठाउँमा पाइने जीवनोपयोगी शाश्वत भनाइहरूले कृति अझ सबल बनेको छ।