Beglai Aakash – Ghanendra Ojha

आफ्नो पेसा व्यवसायले तोकेको जिम्मेवारी बहन गर्ने क्रममा देखिने देखाइने प्रतिभा र त्यसै क्षेत्रमा दिइएको योगदान स्वाभाविक र अपेक्षित हो । तर, त्यहाँबाट अलिक हटेर वा माथि उठेर कला, साहित्य र संस्कृति जस्ता समग्र मानवीय सभ्यताका परिचायकहरूको निर्माणमा सक्रिय हुनु, अतिरिक्त प्रतिभाको प्रदर्शन गर्नु, र मानवताका लागि थप योगदान दिनु हो । जुझारु सर्जक, समालोचक र पत्रकार घनेन्द्र ओझाले अध्यापन, निजामती सेवा, बैकिङ सेवा, चलचित्र निर्माण आदि विविध क्षेत्रका चौध जना अनुभवीहरूसँग लामो सत्सङ्ग गरेर, उनीहरूका पेसा-व्यसायका अनुभवका अतिरिक्त सिर्जना क्षेत्रमा उनीहरूले दिएको योगदानलाई मिहीन ढङ्गले उधिनेर यस पुस्तकको निर्माण गरेका छन् ।
लामो समयको सङ्गतपछि सान्दर्भिक र अत्यावश्यक प्रसङ्गहरुलाई मथेर तयार पारिएको यस जीवनी-सङ्ग्रहले यी ‘बेग्लै आकाश’हरूको जीवन, सङ्घर्ष, र सफलताका सूत्रमा प्रवेश गर्न चाहने र तिनबाट प्रेरणा लिन चाहने समस्त पाठकहरुका लागि यो पुस्तक एउटा अनिवार्य पाठ्य सामग्री बन्न पुगेको छ ।

Beglai Aakash – Ghanendra Ojha