Baneshworko Serophero – Shree Hari Aryal

यो पुस्तकमा श्रीहरि अर्यालजीको मेहनत खेर गएको छैन । यसले अरूलाई पनि घच्घच्याउने र प्रेरणा दिने काम गर्छ भन्ने मलाई लाग्छ । उहाँलाई बधाई छ र साथै मुरी मुरी धन्यवाद पनि छ- एउटा नवीन कृतिलाई नयाँ शैलीसाथ जनसमक्ष ल्याइदिनु भएकोमा । … पुस्तक पढ्दै जाँदा थाहा हुन्छ- धेरै विषयहरूको जानकारी दिन यो सफल भएको छ । यसको अर्थ श्रीहरि अर्यालज्यूले यसलाई उपयोगी, पठनीय बनाउन निकै मेहनत र परिश्रम गर्नभएको छ भन्नु हो ।
-डा.गोविन्द टण्डन
आफू जन्मेको स्थानप्रति श्रद्धा भक्ति कसको हुँदैन र ! सबैको हुन्छ । यसैले आफ्नो जन्मस्थान अझ जन्मस्थान मात्र नभएर कर्मस्थान पनि रहेको बानेश्वर क्षेत्रको बारेमा न्यायक्षेत्रका प्रसिद्ध व्यक्तित्व वरिष्ठ अधिवक्ता श्री श्रीहरि अर्यालले यो पुस्तक पाठकवर्गसमक्ष प्रस्तुत गर्नुभएर आफ्नो जन्मस्थानप्रतिको ऋण तिर्ने प्रयास गर्नुभएको छ । …यस्तै यस्तै रोचक लाग्ने खालका सन्दर्भ एवं घटनाहरूको वर्णनले भरिपूर्ण यो पुस्तक जति पढ्दै गयो, उति विचारमग्न हुन करै लाग्ने खालको छ । तात्कालिक ऐतिहासिक घटनाहरूलाई साहित्यिक दृष्टिकोण राखी सुमधुर शैलीमा प्रस्तुत गर्न लेखक सफल हुनुभएको छ ।
-डा.नयनाथ पौडेल